Дурсамжаа гэж

Хэдэн жилийн өмнө энэ өдөр эгч бид 2-т хөөрхөн дурсамж үлдээсэн тэр хүүг саналаа. Эгчтэйгээ цуг авга ахындаа очих гээд микронд суучихсан зүүн салаа явж байлаа. Баян хошууны нэг буудал дээрээс хүмүүс суугаад л , тэгсэн нэг жаал кондуктороос намайг аваад яваач гээд л гуйгаад байх юм, гадаа аймар хүйтэн, хөлдөх нээ тэр жаал, кондуктор юун суулгах бараг загнаад цааш нь хөөж байгаа юм бишүү, Эгч маань  наад хүүхэдээ суулгачихаач хөлдлөө ш дээ гэсэн чинь кондуктор суудал алга, тэгээд ч бид тусламжийн байгууллага биш гээд л.....нилээн бүдүүлэг авир гаргасан санаж байна. Эгч ч би өвөр дээрээ суулгачихья, би мөнгийг нь төлий гэээд хэлсэн чинь харин ч нөгөө хүүхдийг чинь мөрөн дээрээс нь татаад ийшээ суу гэж ......эгч өвөр дээрээ авч мөнгийг нь төлөөд тэр хүүхэд нилээн хэдэн буудал яваад баярлалаа эгчээ гээд бууж билээ. Эгч бид 2 буух буудал дээрээ буугаад эгчийн куртикийг харсан чинь бадан хар болсон байж билээ. Ядаж байхад эгч цайвар өнгөтэй куртиктай байсаныг хэлэх үү. Би яаанаа ийм куртиктай яаж айлд орно, яаж буцаад явнаа гээд баахан инээлээ, эгч жаахан инээсэнээ энэ куртик муухай болох яах бэ, ийм хүүхдүүд л өрөвдөлтэй байна гээд л, ..................................жаахан ч тэрнээ тэр үйлдэл надад нэг зүйлийг ойлгуулж эгчээ харахаар хайр хүрээд байсан.

Таны уйлж байгаа төрхийг ....

Сайн уу эмээ. Миний хөөрхөн эмээ.

Үр нь таныхаа уйлж байгаа төрхийг бодоод хэцүү байнаа....
Дахиад уулзахгүй гэдгээ та мэдсэн байсан байна лээ тэр үед...
Нэг л өөр уйлаад байсан юмаа, цаана л нэг өөр, бүр сэтгэл урагттал ...
Охин нь буцаад гүйгээд очмоор байсан ч...таньдаа өгсөн амлалт, зорисон зорилготоо хүрэхээр уйлаад л, тэвчээд л ......алс орныг зорьсон доо
Бас таны намайг очтол хүлээнэ гэсэн үгэнд итгээд л...

Зорисон зорилгоо гүйцээгээд удахгүй эх орондоо очлоо, тэгэхдээ таныг байхгүй гэж бодохоор .....
Тэгэхдээ охин нь таныгаа зүрх сэтгэл дотроо үргэлж хамт жаргалтай байхаар хадгалчихсан....

Солонгос улс 2009-11-15 00:26:09

Хэрэв хүн буцаад энэ хорвоод төрдөг бол охиндоо л дахин төрөөрэй

Энэ ямар зөөлхөн цамц бэ, эмээдээ л авий ....Үгүй би чинь юу хийж байна, аваад өгөх эмээгүй болчихсон шүү дээ,  Үгүй ээ, ингэж болохгүй, хүмүүс харж байна уйлж болохгүй, тэгэхдээ би барьж чадахгүй нээ энэ нулимсыг , Эмээ минь та намайг хүлээж чадсангүй гэж үү та хүлээнэ гэж амалсан ш дээ, Охин нь удахгүй яваад л очих байсан шүү дээ, Таныг би тэвэр дээрээ эрхлүүлж, явж чадахгүй ядрах үед тань үүрч , уурлаж загнахад тань хүртэл аргадаж байхыг хүссэн юм тиймээ  хэнээр ч биш би л өөрөө таныг асрахыг хүсдэг байсан ш дээ. 


Намайг ухаан ороход та бөгтгөр нуруутай, буурал цагаан үстэй, бөмбгөр хөөрхөн эмээ байсан. Өргөөд намайг даахгүй ч, үүрч  явж чадахгүй ч өвөр дээр тань, өн их хайран дунд дэндүү гэмээр сайхан өссөн,  Таны надад мэдрүүлсэн тэр их хайрыг охин нь хариулж чадсангүй дээ, Эмээ минь та намайг хүлээнэ гэж хэлчихээд .....тэгэхдээ би шөнө болгон таньтайгаа уулздаг. Би таниасаа гуйя. Хэрэв хүн буцаад энэ хорвоод төрдөг бол охиндоо л дахин төрөөрэй.
Охин таньдаа дэндүү хайртай

Солонгос улс 2009-09-16 22:50:44

Эмээдээ бичих захидал

Эмээдээ бичих захидал

Сайн уу Эмээ. Таньдаа бичиж байгаа хэд дэхь удаангийн захиа юм бүү мэд. Би таньд зөндөө захиа бичсэн та хүлээн авсан уу?. Энэ дэлхий дээр таныгаа байхгүй болсон гэдэгт охин тань одоо болтол итгэж өгөхгүй л явна даа. Та мэдэх үү. Миний мөрөөдөл бүхэн таньтай холбоотой байсаныг, том болоод хийхийг хүссэн бүхнийгээ таньтай холбон бодож , таныг өтлөөд асаруулахын цагт хэн биш зөвхөн би л асарч хайрлахыг хүссэж байсан юм. Амжилтай сурч урагш нэг алхах бүртээ л таньдаа дуулгаж гэж, таниараа магтуулах гэж охин нь хүсдэг байсан юм шүү. Одоо та надаас алс хол одсон ч гэлээ, үргэлж миний зүрх сэтгэлд амьд хэвээрээ байдаг шүү. Таныг энэ дэлхийгээс явсаныг сонсоод таньд би зөндөө гомдсон. Өдөр бүр л би таниас яагаад намайг 2 жил хүлээж чадсангүй ээ, яагаад намайг таньд өгье гэсэн зүйлүүдийг маань өгч амжаагүй байхад явсан юм вэ хэмээн гомдолж уйлж байлаа. Амьдрал, хагацал, үхэл хүний хүссэнээр болдоггүйг охин нь мэддэг хэрнээ л хүлээн зөвшөөрч чадахгүй байна.

Солонгос улс 2009-04-06 11:04:45

Ээждээ онцгойлон баяр хүргэе

Ээжээ охин нь таньдаа дэндүү хайртай,
Ээжээ би таниас л бүсгүй хүнд байдаг тэр сайхан бүхнийг олж харж бахархаж бас бардамнаж , шүтэж явдаг юм шүү.
Ээждээ хэмжиж болохооргүй их хайртай. Үнсье.
Ээжээ та охиндоо ертөнцийн бүх ээжүүдийн дээд нь шүү.
Ээжээ та охиндоо ертөнцийн бүх эрдэнийн дээд нь шүү.

Ээждээ удахгүй их юм сураад очноо. Хөөрхөн духан дээр нь үнсье ээжийгээ

Солонгос улс 2009-03-07 22:55:21

Яасан их горойж байж гардаг үг бэ?

Өчигдөр хөөрхөн эгчтэйгээ чатлаад, эгч надад баахан анхаарал тавиад л, бие бод бие бод..

Би эгчийгээ харах болгондоо ямар лаг юм бэ?. 3-н ааштай дүү нарыгаа ямар их халамжилдаг юм бэ гэж бодоод хайр хүрээд байдаг юм. Бүх зүрх сэтгэл, үйлдэл нь бид хэдийн төлөө байдаг юм. Бүх зүйлээ л зориулна.

Тэгсэн би гэж хүн өчигдөр чаталж байгаад Хайртай гэдэг үгийг хэлэх гэсэн чинь голоос нэг юм шаргуулдаад, ямар их сонин байваа, нүдэнд нулимс цийлэгнээд л. Аргагүй дээ би чинь тийм үг эгчдээ хэлж байгаагүй юм чинь анх хэлж байгаа болохоор тэгсэн байх. Дүү нь эгчдээ хайртай гэдэг үгийг харамгүй хэлмээр байдаг хэлж чадахгүй юмаа.

Дүү нь Эгчдээ маш их хайртай.

Солонгос улс 2009-11-02 09:53:58

Гоо сайханы тухай бодол

Сая нэг нэвтрүүлэг сонсож суугаад нэг намайг цохиод авлаа. Хүн байгаагаа байх сайхан гэдэг үг гоо сайханд зохимжгүй үг гэнэ. Ер нь бол намайг гоёж гангарч эхэлдэг насан дээр маань хүмүүс арай өөр өнцгөөс хардаг байж гоо сайхандаа анхаараад гангараад байгаа нэгнийгээ маягтай айлгүйгээр дуудаж боддог байлаа. Над мэт шиг хүмүүс бол ёстой байгаагаа сайхан гээд  яваад байсан чинь миний тэр үе өөр олжээ. Өөртөө жаахан анхаарал тавьж байхгүй бол одоо бол арчаагүй хүн л гоо сайхандаа анхаарал тавьдаггүй одоогийн хүүхдүүдийн хэлдгээр сампирсан хүн л харагдах болох нээ. 

Бүсгүйчүүд минь нэг л мэдэхэд нүүрэндээ үрчлээтэй, арчлаад л нэмэр алга болох нь байна шүү. 

Нээрээ бодоод байхад би гоо сайхандаа анхаарч байгаа нь гээд л өглөө нүүрээ будаж орой угаадаг л байх бараг жилд ганц 2 удаа л гоо сайханд ордог байх, хааяа нэг маск тавих тэгээд боллоо. 

Одоо бол өөр үе ирсэн өөр байх хэрэгтэй болж бгаан байна. Гоо сайханд байгаагаа байхад сайхан гэдэг үг зохимжгүй нь үнэн бололтой.

Дугаарлаад

Хийх гэж байгаа зүйлээ дугаарлаад бичээд тэмдэглээд байна.

Би сурагч байхдаа шинэ он гарахын өмнө дараа жил хийж бүтээнэ гэсэн зүйлсээ дугаарлаж бичээд хэзээ гэхэд биелүүлж дуусгах талаар тэмдэглэдэг байлаа. Хааяа нэг гаргаж ирж өөртөө сануулаад л, жилийн сүүлээр биелэлтээ хардаг байлаа. Энэ үйлдэл маань хэвшмэл болоод оюутан байхдаа ч .............

Харин сүүлийн 2 жил тэмдэглээгүй байх юм. Сүүлийн 2 жил миний амьдралд юу болоод өнгөрөв дөө. Би гэдэг хүн  өөр хүний биед ороод 2 жил амьдарсан юм шиг санагдах юм. 

Зүүдэндээ хүртэл яриад

Сүүлийн үед  зүүдэндээ хэд хэдэн удаа солонгосоор яриж зүүдлээ. Бүр энэ үгийг чинь мэддэг билүү гэж бодогтол түгдрэхгүй яриад л ............., өглөө ажил дээрээ ирээд зүүднээсээ шүүрдэж авсан ганц нэг үгээ толь бичигээс харсан чинь зөв байна.

Энэ хүний уураг тархи их сонин ажиллах юмаа. Мэддэггүй, толгойнд орж ирдэггүй, яриандаа  хэрэглэдэггүй байсан үгээ зүүдэндээ хэрэглэж байна гэдэг чинь миний энэ hard-ны аль нэгтээ тэр үг хадгалагдчихсан, харин би л олж авч ашиглаггүй байсан гэсэн үг үү.

Сүүлийн үед солонгос хэлийг төрх хэл шигээ сурахыг яасан их хүсэж байна. Шунан дурлана гэж л болж байна, ингэж байгаа дээрээ сурчих юмсан.

Angels-1

Өнөөдөр тав дахь өдөр гэсэн чинь сайхан санагдаад жаахан ядраад байгаа болохоор амрах талаар л бодоод байх юмаа.

Өнөөдөр нэг хөөрхөн найзаа

Хөөрхөн найздаа төрсөн өдрийн мэнд

Өнөөдөр миний найзуудын нэг Оюунтуяагийн маань төрсөн өдөр. Найз чамдаа төрсөн өдрийн халуун мэндийг хүргэж аз жаргал, эрүүл энх ажлын өндөр амжилт мөн хамгийн сүүлд нь том зүйлээ хүснээ энэ юу гэвэл сайхан түшигтэй ухаалаг хань ижил, олон сайхан гүнж ханхүү нартай болоорой гэж найз нь чин сэтгэлээсээ хүсэн ерөөе.

Миний найз цаана л нэг дэгжин, ухаалаг, хөөрхөн , чадалтай бүсгүй шүү.

Төрсөн өдрөө сайхан тэмдэглээрэй.

Happy Birthday (HOT!)